Archives

اَج شام دی ملکہؐ شام وچوں اسلام آزاد کرا آئی ہے

  • BLOG, Noohy Paak
  • Comments Off on اَج شام دی ملکہؐ شام وچوں اسلام آزاد کرا آئی ہے
  • یا مولا کریمؐ

    (نوحہ پاک)

    {19}

    اَج شام دی ملکہؐ شام وچوں اسلام آزاد کرا آئی ہے

    پڑھ خطبے دین دی عظمت دے دنیا کوں حق جتلا آئی ہے

    ……٭……

    تھئی شادی قاؐسم نوشاہ دی اُتے بنریؐ مہندی لائی ہئی

    ہر سینؐ نے اپنی پاک ردا بنری دی ویل گنڑائی ہئی

    بس عونؐ و محمدؐ عونؐ دی ما بنرےؐ دی ویل گنڑا آئی ہے

    ……٭……

    عباؐس تے اکبرؐ تے قاؐسم اسلام توں تھی قربان گئین

    اسلام اُتوں قربان یکے تھی بیکس دے مہمان گئین

    اَج بھینؐ اٹھارہاں بھائیاں دی ہک پتر سجاؐد بچا آئی ہے

    ……٭……

    آکھے عونؐ دی ما عبداؐللہ کوں میڈا ویر ٹریندا ڈیکھیں ہا

    شبیرؐ دی بیوہ دختر دا توں ڈاج لٹیندا ڈیکھیں ہا

    ما اصغرؐ دی چن اصغرؐ دا چولا رنگین کرا آئی ہے

    ……٭……

    جڈاں قافلہءِ تسلیم و رضا بازار کوں آن عبور کیتا

    بس استقبال اسیراں دا ہئی شام دی ہر مستور کیتا

    ہک سال برابر ہر بی بیؐ بس شام دے امن نبھا آئی ہے

    ……٭……

    جعفرؐ ہنڑ آلِ محمدؐ دا نت ویڑھا پاک آباد رہے

    ہنڑ دین دا والیؐ دنیا تے نہ ڈُکھ ڈیکھے نہ درد سہے

    اعلان تھیوے ہنڑ عونؐ دی ما چن اکبرؐ کوں پرنا آئی ہے